Vanillu hafra og chia grautur

1 lítil dós Ísey skyr vanilla

1/2 dl hafrar

3 msk. chia fræ

1 dl mjólk

½ tsk. vanilludropar

1 stk. Kiví

Brómber

1/3 banani

Aðferð:

Blandið saman höfrum og skyrinu.

Skerið bananann í bita og bætið þeim út í skyr blönduna.

Flysjið kívíið og skerið það í sneiðar. Með litlu smákökuformi, skerið út 3 blóm (má sleppa), skerið restina af kívíinu í bita og blandið þeim saman við skyrið.

Blandið saman chia fræjum, mjólk og vanillu dropum, látið standa í 5 mínútur og hellið svo yfir skyrblönduna.

Toppið með nokkrum brómberjum, lokið krukkunni og geymið yfir nótt.